IPB

გამარჯობა, სტუმარო ( შესვლა | რეგისტრაცია )

 
Reply to this topicStart new topic
რა მოგვეთხოვება ევროკავშირში უვიზოდ მოგზაურობისას
rover
პოსტი May 30 2016, 06:53 PM
პოსტი #1


Advanced Member
***

ჯგუფი: წევრი
პოსტები: 2,661
რეგისტრ.: 20-June 13
წევრი №: 591

ნიკის ჩასმა
ციტირება



რა მოგვეთხოვება ევროკავშირში უვიზოდ მოგზაურობისას




რაც უფრო ახლოვდება ევროკავშირის/შენგენის ზონის ქვეყნებში უვიზო მიმოსვლის პერსპექტივა, საქართველოში სულ უფრო აქტუალური ხდება შეკითხვა: კონკრეტულად რა უფლებებით ისარგებლებენ საქართველოს მოქალაქეები, რისი გაკეთების საშუალება არ ექნებათ მათ და რა სახის დოკუმენტაცია შეიძლება მოსთხოვონ მათ მესაზღვრეებმა ევროკავშირის/შენგენის ზონის ამა თუ იმ ქვეყნაში შესვლის წინ. ექსპერტების ვარაუდით, საქართველოს მოქალაქეები უვიზო მიმოსვლის უფლებით სარგებლობას უკვე ზაფხულიდან შეძლებენ.

უვიზო მიმოსვლის რეჟიმი საქართველოს მოქალაქეებს ევროკავშირის ქვეყნებში მუშაობისა და დასახლების უფლებას რომ არ მისცემს, ეს მარტივი ჭეშმარიტება 10 მარტს იუსტიციის მინისტრმა თეა წულუკიანმაც განმარტა და პოტენციურ კანონდამრღვევებს სადამსჯელო მექანიზმის არსებობაც შეახსენა:

„ვინც უვიზო მიმოსვლის წესებს დაარღვევს, ჩვენ, მათთან ერთად, უკან, საქართველოში, დავაბრუნებთ და შემდეგ უკვე იქნება რამდენიმეწლიანი აკრძალვა ევროკავშირში შესვლაზე“.

იმისათვის, რომ საქმე უკან გამობრუნებამდე არ მივიდეს, სახელმწიფო ყველა დეტალის ახსნა-განმარტებას აპირებს და, იუსტიციის მინისტრის თქმით, შესაბამისი ინფორმაცია საქართველოს მოქალაქეებს სულ მალე, ბიომეტრიული პასპორტების აღების დროსაც მიეწოდებათ. ამჟამად არსებული ოფიციალური ინფორმაციის თანახმად, „უვიზო მიმოსვლით ისარგებლებს ბიომეტრიული პასპორტის მქონე საქართველოს ყველა მოქალაქე – 180 დღის განმავლობაში მაქსიმალური 90 დღის ვადით“. საგარეო საქმეთა სამინისტროს ოფიციალურ ვებსაიტზე გამოქვეყნებული გზამკვლევის თანახმად, უვიზო რეჟიმის არეალი მოიცავს ევროკავშირის წევრ 22 ქვეყანას, ევროკავშირის არაწევრ 4 ქვეყანას და შენგენის ზონაში გაერთიანების კანდიდატ 4 ქვეყანას.

ექსპერტები ლაპარაკობენ ასევე ამა თუ იმ ქვეყანაში არშეშვების საფრთხეზეც. თუმცა, მაგალითად, როგორც ფონდ „ღია საზოგადოება – საქართველოს“ ევროინტეგრაციის პროგრამის მენეჯერი ვანო ჩხიკვაძე აღნიშნავს ჩვენთან საუბრისას, ასეთი საფრთხის წინაშე არ დადგება ის, ვინც თან იქონიებს 6 აუცილებელ საბუთს. თადარიგის დაჭერა საჭიროა იმის მიუხედავად, რომ, შესაძლოა, ევროპელმა მესაზღვრეებმა საბუთების ჩვენება საერთოდაც არ მოგთხოვონ:

„საქართველოს მოქალაქეს აუცილებლად დასჭირდება: საზღვარგარეთის ბიომეტრიული პასპორტი – ე. წ. ჩიპიანი პასპორტი, სამედიცინო დაზღვევის ვაუჩერი, მოგზაურობის ფინანსური უზრუნველყოფის დამადასტურებელი დოკუმენტი (ეს შეიძლება იყოს ამონაწერი საბანკო ანგარიშიდან, რომ ადამიანს ანგარიშზე აქვს გარკვეული თანხა), საჭიროა ასევე თვითმფრინავით ორმხრივი მგზავრობის ბილეთების ასლი და ჯავშანი და საჭიროა ასევე სასტუმროს ჯავშანი – ტურისტული ვიზიტის შემთხვევაში... სხვა შემთხვევებში – საჭირო იქნება დოკუმენტი, რომელიც ადასტურებს ვიზიტის მიზანს: ეს შეიძლება იყოს მოწვევა, შეიძლება იყოს სასწავლებლად ჩარიცხვის ცნობა, სამკურნალო დაწესებულების ცნობა და ა.შ.“


მართალია, ეს ის დოკუმენტებია, რომელთა ქონა ისედაც საჭიროა ნებისმიერი მოგზაურობის დროს, მაგრამ ბევრი ფიქრობს იმასაც, რომ თუკი ამდენი საბუთის შეგროვებაა საჭირო, მაშინ რომელ უვიზო მიმოსვლაზე და გაადვილებულ გადაადგილებაზეა ლაპარაკი. ასეთ სკეპტიკოსებს ვანო ჩხიკვაძე სთავაზობს წარმოიდგინონ, მაგალითად, გურიაში, ჩოხატაურში მცხოვრები ადამიანი, რომელსაც (ამჟამად მოქმედი წესების მიხედვით) საზღვარგარეთ გამგზავრების წინ რამდენჯერმე უწევს თბილისში ჩამოსვლა: მან ჯერ არცთუ იოლი ანკეტა უნდა შეავსოს და რიგი დაიკავოს ამა თუ იმ ქვეყნის საელჩოში შესასვლელად; გარკვეული პერიოდის შემდეგ საელჩოში უნდა მივიდეს ყველა საბუთის წარსადგენად და სავიზო მოსაკრებლის (35 ევროს) გადასახდელად; შემდეგ უნდა დაელოდოს საელჩოს პასუხს 10 დღის ვადაში და, ამ ყველაფრის მიუხედავად, მას შეიძლება მაინც უარი უთხრან ვიზაზე.

ევროკომისიის მიერ 9 მარტს გამოქვეყნებულმა საკანონმდებლო ინიციატივამ საქართველოს იმ ქვეყნების სიაში გადაყვანასთან დაკავშირებით, რომელთა მოქალაქეებსაც უფლება ენიჭებათ უვიზოდ იმოგზაურონ შენგენის ზონის ქვეყნებში, როგორც ქვეყნის „ისტორიულ შანსთან“ მიახლოებამ, ექსპერტების აზრით, საქართველოში თითქმის ყველა გაახარა გარდა მათი, ვინც მტკიცედ იზიარებს რიტორიკას ევროპის მტრულ ზრახვებთან დაკავშირებით. როგორც მედიაექსპერტმა ზვიად ქორიძემ უთხრა რადიო თავისუფლებას, ეს რუსეთის პოლიტიკაა, მაგრამ სიმართლე მაინც იპოვის გზას და ამ პროცესში სწორედ ევროკავშირის ქვეყნებში უვიზო მიმოსვლა შეიტანს მნიშვნელოვან წვლილს:

„ძალიან მნიშვნელოვანია სიარული ევროპაში, ევროპის გაცნობა, ევროპული ღირებულებების შეცნობა, იმის გაგება, რომ ევროპაში ერთ-ერთი ყველაზე მდგრადი განვითარების სუბიექტი არის ადამიანი, ერთ-ერთი ყველაზე მყარი და შეუვალია ოჯახური ფასეულობები და რომ ისტორია და ტრადიციები ძალიან ძვირფასია ევროპისთვის... – როდესაც ამას ყველაფერს ადამიანი საკუთარი თვალით ნახავს, მიხვდება, რომ ევროპა არ არის გარყვნილების ბუდე... ამ ბუებს აჩენს რუსეთი, რომ დააშინოს ქართული საზოგადოება და საქართველო“.

როდიდან შეძლებენ საქართველოს მოქალაქეები ევროკავშირის/შენგენის ზონის ქვეყნებში უვიზო მიმოსვლას?

ამ შეკითხვაზე ზუსტი პასუხი არ არსებობს და ჯერჯერობით მხოლოდ ზოგადად ვიცით, რომ ეს მას შემდეგ მოხდება, რაც ევროპის პარლამენტი და ევროკავშირის საბჭო მიიღებენ გადაწყვეტილებას ევროკომისიის მიერ 9 მარტს ინიცირებული წინადადების საფუძველზე. თუმცა, თუკი ამ მხრივ აღმოსავლეთის პარტნიორობის პროგრამის პიონერის – მოლდავეთის – მაგალითით ვიმსჯელებთ, ექსპერტები მოელიან, რომ უვიზო მიმოსვლის უფლებით სარგებლობას საქართველოს მოქალაქეები უკვე მიმდინარე წლის ზაფხულიდან შეძლებენ.


--------------------
ილაპარაკე რათა გაგიცნო
contact@camp.ge
Go to the top of the page
 
+Quote Post

Reply to this topicStart new topic
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 



მსუბუქი ვერსია ახლა არის: 20th September 2018 - 09:59 PM